Gədəbəydə yanğın zamanı mina partladı - Yenilənib
Azərbaycanın Ermənistanla sərhəddə yerləşən Gədəbəy rayonu, Novoivanovka kəndinə yaxın ərazidə baş verən yanğın zamanı mina partlayıb.
“Qafqazinfo” Report-a istinadən xəbər verir ki, yanğın hələ də davam edir.
Əraziyə Fövqəladə Hallar Nazirliyinin Gədəbəy rayon Yanğından Mühafizə Hissəsinin yanğınsöndürən maşınları, canlı qüvvəsi və digər qurumların əməkdaşları cəlb olunub.
Yanğın həmsərhəd ərazidə baş verdiyindən, həmçinin mina təhlükəsi nəzərə alınaraq yanğına tam müdaxilə etmək hələlik mümkün olmayıb. Amma alovun Novoivanovka kənd ərazisinə keçməməsi və təhlükənin artmaması üçün tədbirlər görülür.
***
Fövqəladə Hallar Nazirliyi Gədəbəydəki yanğın hadisəsi ilə bağlı məlumat yayıb.
Bildirilib ki, Gədəbəy rayonunun Novoivanovka kəndi yaxınlığında dağlıq ərazidə quru otluq sahədə baş vermiş yanğın FHN-nin yanğından mühafizə bölmələri tərəfindən söndürülüb.
Son Xəbərlər
- 1
- 2
- 3
- 4
- 5
- 6
