Sabunçu xəstəxanasında nə baş verib?
Ötən gün Sabunçu xəstəxanasında həkimlə xəstə arasında insident baş verib. “Qafqazinfo” xəbər verir ki, “Sancaq production”ın səhifəsində baş verən insidentin videosu yayımlanıb. Videoda bir xəstə həkimdən ona təcili tibbi yardım göstərilməsini tələb edir. Növbətçi həkim isə həkimin evdə olduğunu, lazım gələrsə çağırılacağını bildirir. Bu zaman xəstəxananın polisləri ilə xəstə arasında dava baş verir.
Xəstəxananın baş həkiminin cərrahiyyə üzrə müavini Əbülfəz Hüseynov baş verənlərlə bağlı “Qafqazinfo”ya açıqlama verib. O qeyd edib ki, ötən gün bütün həkimlər iş başında olub: “Pasiyent xəstəxanaya sərxoş vəziyyətdə gəlib. O xəstədə heç bir kəskin patalogiya olmayıb. Həmin şəxs orada böyük problem yaradıb. Polisinin əlini dişləyib, tibb bacılarını təhqir edib. Travmatoloqlar və cərrahlar bütün günü xəstəxanada olub. O video qərəzli formada çəkilib. Həkimlərimiz kadrda görünmür. Həmin şəxslər öyrədilmiş şəkildə xəstəxanaya daxil olub. Hadisə yaşanan zaman xəstəxananın polisləri çağırıldı. Polisləri də təhqir etdilər. İlham Qəmbərov həmin gün növbətçi həkim idi. Özü də professional travmatoloqdur.
Bildirim ki, dünən 72 pasiyent bizə müraciət edib. 22 nəfər cərrahiyyə şöbəsinə, 50 nəfər isə travmatologiya şöbəsinə. Hamısına da xidmət göstərilib. Onlardan beşi axşam əməliyyat olunub”.
Son Xəbərlər
- 1
- 2
- 3
- 4
- 5
- 6
