“Gənclik Mall”un qarşısında kütləvi dava - Gənc bıçaqlandı

genclik-mallun-qarsisinda-kutlevi-dava-
Oxunma sayı: 4813

Bakı şəhəri, Nərimanov rayonunda yerləşən “Gənclik Mall” ticarət mərkəzinin giriş qapısının önündə kütləvi dava düşüb.

Qafqazinfo”nun Report-a istinadən xəbərinə görə, “Gənclik Mall” ticarət mərkəzindən çıxan 27 yaşlı Namiq İsmayılov bir neçə şəxsin hücumuna məruz qalıb. Əlbəyaxa dava zamanı N.İsmayılova 6 bıçaq zərbəsi vurulub. N.İsmayılov qanaxmadan huşunu itirib.

O, taksi sürücüsünün köməkliyi ilə 1 saylı Şəhər Kliniki Tibbi Mərkəzə yerləşdirilib. Həkimlərin verdiyi məlumata görə, N.İsmayılovun vəziyyəti ağır kimi qiymətləndirilir.

Faktla bağlı Nərimanov Rayon Polis İdarəsində araşdırmalara başlanılıb.