Azərbaycan Prezidenti Administrasiyası rəhbərinin müavini, Xarici əlaqələr şöbəsinin müdiri Novruz Məmmədov ölkə başçısı İlham Əliyevin sərəncamı ilə Mehriban Əliyevanın birinci vitse-prezident təyin edilməsinə qısa münasibət bildirib.
“Qafqazinfo” xəbər verir ki, bu barədə N.Məmmədov tvitter hesabında yazıb:
“Ötən il keçirilən referendumun nəticələrinə görə təsis edilən Azərbaycan Respublikasının Birinci vitse-prezidenti vəzifəsində, heç şübhəsiz hamı Mehriban xanım Əliyevanı görürdü. Əminəm ki, Mehriban xanım bu şərəfli və məsuliyyətli vəzifədə yeni-yeni uğurlara və nailiyyətlərə imza atacaq”.