Universitetlərin boş qalan yerlərinə qeydiyyat sabah başa çatır
Ali təhsil müəssisələrinin boş qalan plan yerlərinə qəbul olan abituriyentlərin qeydiyyatı sabah başa çatacaq.
“Qafqazinfo” TQDK-nın saytına istinadən xəbər verir ki, bu gün 12:30-a olan məlumata görə ali təhsil müəssisələrinin boş qalan yerlərinə qəbul olan 553 abituriyentdən 404 nəfəri qəbul olduğu təhsil müəssisəsində qeydiyyatdan keçib.
Qeyd edək ki, qeydiyyat 31 avqust saat 17:00-dək davam edəcək. Göstərilən vaxtadək abituriyentlər sənədlərini daxil olduqları təhsil müəssisəsinə təqdim etməklə qeydiyyatdan keçməlidirlər. Qeydiyyatdan keçməmək abituriyentin müvafiq ixtisasa yerləşdirilməsindən imtina etməsi kimi qiymətləndiriləcək və onun qəbul haqqında əmri ali təhsil müəssisəsinə göndərilməyəcəkdir.
Son Xəbərlər
- 1
- 2
- 3
- 4
- 5
- 6
