Bakıda yaşayış binasında yanğın - Sakinlər təxliyyə edilib
Bakıda yaşayış binasında yanğın baş verib.
“Qafqazinfo” Fövqəladə Hallar Nazirliyinin saytına istinadən xəbər verir ki, paytaxtın Suraxanı rayonunda çoxmərtəbəli binanın 2-ci mərtəbəsinin pilləkən qəfəsində quraşdırılmış 9 ədəd elektrik sayğacı yanıb.
Yanğın zamanı 5 nəfər bina sakini yanğınsöndürənlər tərəfindən təxliyyə edilib. Mənzillər yanğından mühafizə olunub.
Yanğın saat 01:30-da yanğınsöndürənlər tərəfindən söndürülüb.
