“Ziya Məmmədovun xətrini hər zaman istəmişəm”
“Biz Ziya Məmmədovla 18 il birgə çalışmışıq. Ziya müəllim mənim həyatımda hansısa bir rol oynayıb. Amma bu gün məsləhət olunub ki, biz bir yerdə çalışmayaq”.
“Qafqazinfo” xəbər verir ki, bunu “Yeni Müsavat”a müsahibəsində “Azərbaycan Dəmir Yolları” QSC-nin rəisi Cavid Qurbanov deyib. O, bildirib ki, prezidentin sərəncamı ilə Z. Məmmədov ölkənin bir nazirliyinə rəhbər təyin olunub: “Mən də bir qurumun rəhbəriyəm. Bizim hər ikimizin bir məqsədi, amalı olmalıdır ki, ölkə başçısına, dövlətə xidmət edək. Onunla münasibətim digər nazirlərlə olduğu kimidir.
Mən onun xətrini hər zaman istəmişəm. Zamanında birgə çalışmışıq, indi ayrı-ayrı çalışırıq. Deyim ki, gedişimiz-gəlişimiz var, yoxdur. Bayramdan-bayrama salamlaşırıq. Amma bir-birimizə pisliyimiz yoxdur”.
Son Xəbərlər
- 1
- 2
- 3
- 4
- 5
- 6
