“Türkiyə özü-özünü qoruyacaq” - ABŞ-a cavab
ABŞ-ın Cerablusdakı əməliyyatlarla bağlı münasibətinə Türkiyədən cavab gecikməyib.
“Qafqazinfo” Türkiyə KİV-ə istinadən xəbər verir ki, Türkiyə Baş nazirinin müavini Numan Qurtulmuş ABŞ nümayəndəsi Brett Makqrekin sözlərinə münasibət bildirib. Qurtulmuş “ABŞ Türkiyənin həssaslığını bilir. Ortada verilmiş bir söz var, PYD Fəratın qərbində olmayacaq. Burada bir qarşıdurma baş verməsin deyə, öncə bu məsələnin həllini istəyirik. ABŞ-dan PYD üzərindəki təsirindən istifadə etməyi gözləyirik”,-deyə bildirib.
Nazir müavini onu da əlavə edib ki, ölkəsinə qarşı ediləcək hücumlardan Türkiyə özü-özünü qoruyacaq.
Xatırladaq ki, Barak Obamanın İŞİD ilə mübarizə üzrə xüsusi nümayəndəsi Brett Makqrek Türkiyənin Cerablus əməliyyatına münasibət bildirərək, İŞİD-in olmadığı bölgələrdə münaqişələrin qəbul edilməz olduğunu demişdi.
Son Xəbərlər
- 1
- 2
- 3
- 4
- 5
- 6
