Məmur kabinetin təmirinə 250 min xərcləyib - Azərbaycanda

memur-kabinetin-temirine-250-min-xercleyib
Oxunma sayı: 9565

Nəqliyyat nazirinin müavini Arif Əsgərovun həbs olunacağı ilə bağlı yayılan xəbərlərin ardınca onun haqqında daha bir iddia gündəmə gəlib.

Qafqazinfo” xəbər verir ki, “Yeni Müsavat” qəzetinin yaydığı xəbərdə bildirilir ki, Arif Əsgərov nəqliyyat nazirinin müavini postuna təyin edildikdən sonra ona verilən iş otağında “əsaslı təmir” aparıb. Məlumata görə, A.Əsgərov bununla öz rəqiblərinə acıq vermək istəyib. O, Nəqliyyat Nazirliyinin rəhbərliyindən təmir üçün icazə aldıqdan sonra işə başlayıb və kabinet təmirinə 250 min manat pul xərcləyib. Bütün aksessuarları, mebelləri xarici ölkələrdən xüsusi sifarişlə gətirib.

Xatırladaq ki, keçmiş nazir müavinin “Azərbaycan Dəmir Yolları” QSC-nin sədri olan vaxtlarda ciddi maliyyə pozuntularına yol verdiyi, 48 milyon manat dövlət vəsaitinin mənimsədiyi iddia olunur.