Vaşinqtonda ABŞ-ın 45-ci prezidenti Donald Trampın inaqurasiya mərasiminə son hazırlıqlar başlanıb.
"Qafqazinfo" xəbər verir ki, yeni prezidentlə həyat yoldaşı Melaniya Tramp artıq Ağ Evə daxil olub.
***
Obama ilə Tramp Ağ Evi birlikdə tərk edərək andiçmə mərasimininin keçiriləcəyi Kapitoliyaya doğru gediblər.
***
Tədbirdə diqqət çəkən məqamlardan biri də eks-dövlət katibi Hillari Klintonun ağ rəngli geyimidir.
***
Andiçmə mərasiminin yaxınlığında Tramp əleyhinə aksiya keçirilir. İştirakçılarla polis arasında qarşıdurma olub. Saxlanılanların olduğu deyilir.
***
Mərasim başlayıb.
***
Tramp and içib. O, çıxışına mərasimə qatılan sabiq prezidentlərə və Amerika xalqına təşəkkürlə başlayıb.
Özəlliklə Obama ailəsinə təşəkkür edib.
***
Beləliklə, Ağ Evdə Trampın hakimiyyətinə start verilib.