Berdımuhəmmədov Rusiyaya yeni səfir təyin etdi
Türkmənistan prezidenti Qurbanqulu Berdımuhəmmədov xarici işlər nazirinin müavini Batır Niyazliyevi ölkənin Rusiyadakı fövqəladə və səlahiyyətli səfiri təyin edib.
“Qafqazinfo”nun “Ria Novosti”yə istinadən verdiyi məlumata görə, qərar dövlət başçısı tərəfindən hökumətin iclasında qəbul olunub.
Qeyd edək ki, B. Niyazliyev xarici işlər nazirinin müavini postuna 2016-cı ilin dekabrında təyin olunub. Buna qədər o, Türkmənistanın Qırğızıstandakı fövqəladə və səlahiyyətli səfiri olub.
