72 yaşında Avstriya prezidenti oldu
Dekabrın 4-də Avstriyada keçirilən təkrar prezident seçkilərində Yaşıllar partiyasının keçmiş rəhbəri, müstəqil namizəd Aleksander Van der Bellen qələbə qazanıb.
“Qafqazinfo” AzərTac-a istinadən xəbər verir ki, yerli vaxtla saat 17.00-da bütün seçki məntəqələri bağlandıqdan sonra ilkin nəticələr elan edilib.
İlkin nəticələrə görə, 72 yaşlı Aleksander Van der Bellen 53,4 faiz səs toplayıb. 65,3 faiz səs artıq sayılıb və A. Van der Bellen ölkənin bir çox əyalətlərində rəqibi - sağçı-radikal Avstriya Azadlıq Partiyasının namizədi Norbert Hoferdən (46,6 faiz) öndədir. Buna görə də analitiklər məktubla səs vermiş seçicilərin rəyinin yekun nəticəyə ciddi təsir etməyəcəyini bildiriblər.
