Naxçıvanla sərhəddə ağır qəza - 26 azərbaycanlı yaralandı, 5-i öldü
Türkiyə ilə Naxçıvan arasındakı Dilucu sərhəd keçid məntəqəsi yaxınlığında ağır yol qəzası baş verib.
“Qafqazinfo” Türkiyə KİV-nə istinadən xəbər verir ki, iki sərnişin avtobusunun toqquşması nəticəsində ilkin məlumata görə, 6 nəfər ölüb, 20 nəfər isə yaralanıb.
Qəzaya səbəb havanın dumanlı olması göstərilir.
Avtobuslardan biri İstanbuldan Naxçıvana, digəri isə Naxçıvandan İğdıra doğru hərəkət edirdi.
***
Türkiyənin İğdır vilayətində baş vermiş ağır yol qəzasında 26 Azərbaycan vətəndaşı yaralanıb.
Bu barədə "Qafqazinfo"ya Xarici İşlər Nazirliyinin mətbuat xidmətinin rəhbəri Hikmət Hacıyev məlumat verib. Onun sözlərinə görə, qəzada ümumilikdə 8 nəfər həlak olub, onların arasında azərbaycanlıların olub-olmaması araşdırılır.
***
İğdır valisi Ahmet Turgay Alpman bildirib ki, hər iki avtobusda olanların əksəriyyəti naxçıvanlılar olub.
Türkiyə mətbuatı hər 2 avtobus sürücüsünün və 5 azərbaycanlının öldüyünü açıqlayıb.
Hazırda sıxışan avtomobillərin arasından yaralıların xilas edilməsi üçün tədbirlər görülür.
Son Xəbərlər
- 1
- 2
- 3
- 4
- 5
- 6
