Minsklə Yerevan arasında Lapşin qalmaqalı - “Seçimi etdik...”
Azərbaycanın ərazi bütövlüyünün parçalanmasına çağırışlar etməkdə, sərhədi pozmaqda ittiham olunan bloqçu Aleksandr Lapşinin ekstradisiyası Belarusla Ermənistan arasında gərginliyə səbəb olub.
“Qafqazinfo” xəbər verir ki, ötən gün Ermənistanın hakim Respublikaçılar fraksiyasının lideri Vaqram Baqdasaryan Belarusun Kollektiv Təhlükəsizlik Müqaviləsi Təşkilatı sıralarından çıxarılmasını tələb edib. Buna cavab olaraq, bu gün Belarus Xarici İşlər Nazirliyi bəyanat yayıb. Bəyanatda bildirilir ki, Belarus öz seçimini edib və KTMT-dən çıxarılması ideyası əsassızdır:
“Belarusun KTMT-dən çıxarılması təklifinin heç bir hüquqi əsası yoxdur”. XİN-dən bildirilib ki, təşkilatda olub-olmaması sırf könüllü işdir, Belarus isə öz seçimini edib.
Bundan başqa, Ermənistan baş naziri ölkənin polis rəisinin müavininin Belarusa nəzərdə tutulan işgüzar səfərini ləğv edib. Səfərin ləğvi ilə bağlı məlumat hökumətin rəsmi saytında yerləşdirilib. Lakin ləğvi səbəbləri açıqlanmır. Qeyd edək ki, Vardan Yeqiazaryan martın 2-5-i Minskdə planlaşdırılan Belarus milisinin 100 illiyi şərəfinə keçiriləcək bayram tədbirlərində iştirak etməli idi.
Son Xəbərlər
- 1
- 2
- 3
- 4
- 5
- 6
