Cəbhə xəttində atəşkəsin pozulması nəticəsində Ermənistan ordusunun 3 hərbçisi həlak olub.
“Qafqazinfo” erməni KİV-nə istinadən xəbər verir ki, bu barədə Ermənistan Müdafiə nazirinin mətbuat katibi Arsrun Ovannisyan məlumat verib. O, bildirib ki, hərbçilər Azərbaycan ordusunun həyata keçirdiyi hərbi əməliyyat zamanı ölüblər. Onların 2-si əsgər, digəri isə zabit olub.
Ovannisyanın sözlərinə görə, atışma zamanı bir azərbaycanlı diversant da öldürülüb, onun cəsədi Ermənistan tərəfində qalıb.
Hələ ki, Azərbaycan tərəfi baş vermiş insidentlə bağlı məlumat verməyib.