Rusiya, ABŞ və Çin dünyanın ən iri silah ixracatçılarıdır.
“Qafqazinfo” xəbər verir, bu barədə Stokholm Beynəlxalq Sülh Araşdırmaları İnstitutunun hesabatında deyilir.
ABŞ-ın 2012-2016-cı illərdə silah ixracatının həcmi 21 faiz artıb. İxracatın demək olar ki, yarısı Yaxın Şərq ölkələrinin payına düşür. Bununla yanaşı, Amerika silahlarını dünyanın 100-dən çox ölkəsi alır.
Dünyada silah ixracatının 23 faizi isə Rusiyanın payına düşür. Bu ölkənin silahlarının 70 faizi isə dünyanın 4 ölkəsinin payına düşür: Hindistan, Vyetnam, Çin və Əl-Cəzair.
Hesabatda o da qeyd edilir ki, 2012-2016-cı illərdə Azərbaycan Ermənistandan 20 dəfə çox silah idxal edib.