Zelenskinin çəkildiyi serial “Youtube”da bloklandı
Ukraynanın yeni prezidenti Vladimir Zelenskinin baş rolda çəkildiyi “Xalqın xidmətçisi” teleserialına “Youtube” videohostinqi üzərindən izlənməsinə məhdudiyyət qoyulub.
“Qafqazinfo” xəbər verir ki, teleserialın hüquqi sahibi – “Studiya 95”in direktoru Sergey Puşkin “Vedomosti” qəzetinə açıqlamasında bildirib ki, ekran işinə müvəqqəti məhdudiyyət qoyulması hüquqi məsələlərlə bağlıdır.
“Hüquqi məsələlər öz həllini tapan kimi seriala qoyulan məhdudiyyət aradan qaldırılacaq”, - deyə Puşkin vurğulayıb.
O, sözügedən problemin ən qısa vaxt ərzində həll olunacağına ümid etdiyi qeyd edib. Puşkin seriala məhz hansı hüquqi məsələlər üzündən məhdudiyyət qoyulmasını isə dəqiqləşdirməyib.
Son Xəbərlər
- 1
- 2
- 3
- 4
- 5
- 6
