Yeni mövsümdən “O səs Türkiyə”də olmayacaq
“Athena” qrupunun solisti Gökhan Özoğuz “O səs Türkiyə”nin münsiflər heyətindən gedib.
“Qafqazinfo” Türkiyə mediasına istinadən xəbər verir ki, bu barədə Gökhan özü məlumat yayıb: “Başda Acun olmaqla bütün “Acun media” komandasına, heyətdəki dostlarıma və mənə 5 il boyunca böyük təcrübə qazandıran iştirakçılara təşəkkür edirəm”.
Qeyd edək ki, 2014-cü ildən “O səs Türkiyə” yarışmasının münsiflər heyətində yer alan Özoğuz elə həmin il Həsən Doğru adlı iştirakçı ilə birinci olmuşdu.
