Xorvatların Bakıda zəif çıxışının səbəbi - Virusa yoluxublar
AÇ-2020-nin seçmə mərhələsində Azərbaycanla heç-heçə edən Xorvatiya yığmasının futbolçuları Bakıda ciddi problemlə üzləşiblər. “Qafqazinfo” xəbər verir ki, bu barədə komandanın həkimi Zoran Bahtiyareviç məlumat verib.
O bildirib ki, oyundan əvvəl komandanın 8 futbolçusu virusa yoluxub. Zəif çıxışın taktika ilə heç bir əlaqəsi olmayıb: “8 oyunçumuzda virus var idi. Onlardan 7-si “11-lik”də yer alırdı. Bəzi oyunçuların temperaturu yüksək idi. Baş məşqçi Zlatko Daliç bu barədə heç danışmadı. Bu elə virusdur ki, bədənə yayılır və gücü azaldır. Hətta qarşılaşmadan öncə hakimə dedim ki, bizim oyunçular matçın gedişində tualetə gedə bilərlər”.
Həkim virusun nədən yarandığını aydınlaşdıra bilmədiklərini deyib: “Virusun Bakıdakı qidalarla heç bir əlaqəsi yoxdur. Yəqin ki, bir futbolçuda olub və digərlərinə yayılıb. Sadəcə problemi biləndə gec oldu”.
Son Xəbərlər
- 1
- 2
- 3
- 4
- 5
- 6
