Mübariz İbrahimovun anım günü qeyd olundu

Mübariz İbrahimovun anım günü qeyd olundu
Oxunma sayı: 1684

Bu gün Biləsuvar  rayonunda  Azərbaycanın Milli Qəhrəmanı  Mübariz İbrahimovun anım günü qeyd olunub.

“Qafqazinfo”nun verdiyi xəbərə görə, tədbirdə rayon İcra Hakimiyyətinin başçısı Mahir Quliyev, hüquq-mühafizə orqanlarının rəhbərləri və  ictimaiyyətin nümayəndələri şəhidin rayonun Əliabad kəndində yerləşən ata ocağını ziyarət edərək ailəsi ilə görüşüblər.

M.Quliyev çıxış edərək Mübariz İbrahimovun həyatından və torpaqlarımızın müdafiəsi zamanı göstərdiyi şücaətdən danışıb: “Mübariz qısa ömür yaşasa da, canını vətən yolunda fəda etməsi ilə özündən sonra böyük şəhidlik məktəbi qoydu. İndi hər bir azərbaycanlı onun mübarizə dolu həyatı ilə fəxr edir. Hərbi xidmətə yola salınan gənclərimizə vətəni necə qorumağı Mübarizdən öyrənmələri təbliğ olunur”.

Milli Qəhrəmanın atası Ağakərim  İbrahimov  ölkə rəhbərliyi tərəfindən onların ailəsinə göstərilən yüksək diqqət və qayğıya görə prezident İlham Əliyevə öz dərin təşəkkürünü bildirib.

Ziyarət iştirakçıları Mübariz İbrahimova  məxsus müxtəlif şəkillər, haqqında yazılmış kitablar, jurnallar və qəzetlərdən ibarət  guşəya baxıblar. Sonda prezident İlham Əliyevin tapşırığına əsasən inşa olunacaq “Mübariz İbrahimovun xatirə muzeyi”nin tikiləcəyi əraziyə baxış keçirilib.



Daha tez məlumatlanmaq üçün yeni Facebook səhifəmizi