Uşaqlar üçün pulsuz film... - Fotolar

usaqlar-ucun-pulsuz-film
Oxunma sayı: 978

Nizami Kino Mərkəzi “Hüquq Dünyası” Hüquqi Təbliğat İctimayi Birliyin himayəsində olan uşaqlara pulsuz film nümayişi keçirib.

"Qafqazinfo" xəbər verir ki, Nizami Kino Mərkəzi Azərbaycan Respublikası Əmək və Əhalinin Sosial Müdafiəsi Nazirliyinin dəstəyi ilə fəaliyyət göstərən“Hüquq Dünyası” Hüquqi Təbliğat İctimayi Birliyinin himayəsində olan uşaqlar üçün Cəfər Cabbarlı adına “Azərbaycanfilm” kinostudiyasında dövlət sifarişi ilə çəkilmiş “Dərs ” filminin nümayişini keçirib.

Rejissor Rafiq Əliyev və Cavid Təvəkkülün çəkdiyi ekran əsəri, uşaqların məktəb həyatından, yeniyetmə məktəblilərin qarşılıqlı münasibətlərindən, dostluğa və həyata baxışlarından bəhs edir.
Filmdəki rollara Nazim İbrahimov, Mənsurə Əhmədova, Rasim Cəfər və digər aktyorlarla yanaşı, Bakı məktəbliləri də çəkiliblər.

Nümayişdən sonra İctimayi birliyin hüquqşünası Nuriyyə Abbasova, valideynlər və uşaqlar kinomərkəzin əməkdaşlarına yaratdıqları şəraitə görə təşəkkürlərini bildirib və filmi bəyəndiklərini söyləyiblər.