TÜRKSOY-un baş katibi Qəbələdə - Fotolar
Bu gün Şəki şəhərinin “Türk dünyasının mədəniyyət paytaxtı” elan olunmasının rəsmi açılış mərasimində iştirak məqsədilə səfər çərçivəsində BMT Sivilizasiyalar Alyansının Ali nümayəndəsi Nasir Əbdüləziz Əl-Nasir və TÜRKSOY-un baş katibi Düsen Kaseinov Qəbələ rayonuna səfər edib.
"Qafqazinfo" xəbər verir ki, nümayəndə heyəti səfər zamanı Qəbələnin tarix və mədəniyyət abidələri və turizm imkanları ilə tanış olmuşlar.
Xatırladırıq ki, 2015-ci ilin noyabr ayında Türkmənistanın Marı şəhərində TÜRKSOY mədəniyyət nazirləri Daimi Şurasının 33-cü toplantısının qərarına əsasən Şəki “Türk dünyasının mədəniyyət paytaxtı” elan olunması münasibətlə 28 aprel 2016-cı il tarixində Şəki şəhərində Azərbaycan Respublikasının Mədəniyyət və Turizm Nazirliyi, Beynəlxalq Türk Mədəniyyəti Təşkilatı (TURKSOY) və Şəki Şəhər İcra Hakimiyyətinin birgə təşkilatçılığı ilə mədəniyyət paytaxtı layihəsinin rəsmi açılış mərasimi keçiriləcəkdir.
Son Xəbərlər
- 1
- 2
- 3
- 4
- 5
- 6
