Müsavatdan xalq artistinin vəfatıyla bağlı - Nekroloq
Müsavat Partiyası aktrisa Nuriyyə Əhmədovanın vəfatıyla bağlı nekroloq yayıb.
“Qafqazinfo”nun məlumatına görə, nekroloq mətnində bildirilir:
"Azərbaycan incəsənətinə ağır itki üz verib.
Azərbaycanın teatr və kino sahəsinin tanınmış aktrisası, Xalq artisti Nuriyyə Əhmədova dünyasını dəyişib.
Nuriyyə Əhmədova 1950-ci il dekabr ayının 26-da Bakıda anadan olub. M.A.Əliyev adına ADİİ-da aktyorluq fakültəsində təhsil alıb. İlk fəaliyyətinə Musiqili Komediya Teatrında başlayıb. Kinoya ilk gəlişi 1982-ci ildə "Mozalan" süjetləri ilə olub. Nuridə Əhmədova 80-dən artıq filmdə rol alıb.
2007-ci ildə Azərbaycanın Xalq artisti fəxri adına layiq görülüb.
İllər öncə qızını və yaxın zamanlarda oğlunu gənc yaşlarında faciəli şəkildə itirən ana – Nuriyyə Əhmədova 10 oktyabr 2015-ci ildə Bakıda vəfat edib.
Müsavat Partiyası aktrisanın ailəsinə, yaxınlarına və onun sənətinə pərəstiş edən hər kəsə dərin hüznlə baş sağlığı verir.
Allah rəhmət eləsin!"
Son Xəbərlər
- 1
- 2
- 3
- 4
- 5
- 6
