Can Dündara məhkəmə qarşısında silahlı hücum - Yaralanan var
İstanbul Ədalət Məhkəməsində “Cümhuriyyət” qəzetinin rəhbəri Can Dündar və Ankara nümayəndəsi Erdem Gülün davası ilə bağlı qərar verilərkən insident baş verib.
“Qafqazinfo”nun Türkiyə KİV-nə istinadən məlumatına görə, Can Dündar məhkəmədə fasilə zamanı çölə çıxıb. Bu zaman naməlum şəxs “Vətən xaini” deyə qışqıraraq ona 3 dəfə atəş açıb. Güllələrdən biri “NTV”nin müxbiri Yağız Şenkalın ayağına dəyib, xəstəxanaya yerləşdirilən jurnalistin vəziyyəti yaxşıdır.
Can Dündar bu insidentdən xəsarətsiz qurtulub.
O, açıqlamasında bildirib ki, bunu təşkil edən kimdirsə, ona gözdağı vermək istəyir: “Mənə heç nə olmayıb, yaxşıyam. Məhkəmə fasilə vermişdi. Çölə çıxanda belə bir silahlı hücum oldu. Nə olduğunu bilmirəm. Doğrudan da, mənə qarşı təşkil olunmuşdu, həmin şəxsi gördüm. Sadəcə silahını mənə tərəf yönəltdiyini gördüm”.
Xatırladaq ki, Can Dündar və Erdem Gül Milli Təhlükəsizlik Nazirliyinə aid humanitar yardım karvanının dayandırılması ilə bağlı həqiqətə uyğun olmayan məlumat yaymaqda günahlandırılıblar.
Son Xəbərlər
- 1
- 2
- 3
- 4
- 5
- 6
