BDU-da “Ekoloji Aksiya” - Fotolar
“Bir” Tələbə - Könüllü Proqramı çərçivəsində Bakı Dövlət Universitetində “Ekoloji Aksiya” keçirilib.
“Qafqazinfo” xəbər verir ki, aksiyanın məqsədi ətraf mühitin qorunması və dövlətin ekoloji siyasətinə dəstək olmaqdır. Aksiya zamanı Bakı Dövlət Universitetinin həyətində xüsusi çadır hazırlanıb. Ağacəkmə fəaliyyətinin icrası üçün lazımi avadanlıqların yerləşdirildiyi çadırda, eyni zamanda, müvafiq işlər üzrə məsul şəxslərin müəyyən olunması kimi işlər həyata keçirilib və iş bölgüsü aparılıb. Aksiyada iştirak edən tələbələr universitet həyətinin təmizlənməsi, ağacların əkilməsi və əhənglənməsi işlərini həyata keçiriblər.
Qeyd edək ki, “Bir” Tələbə-Köüllü proqramı tələbələrin asudə vaxtlarının səmərəli təşkil edilməsi, onların müxtəlif tədbir və təlimlərdə iştirakının təmin edilməsi, yardıma ehtiyacı olan şəxslərə köməklik göstərilməsində iştirakını nəzərdə tutur. “Bir” Tələbə- Könüllü proqramı 6 istiqamətdə - Öyrən, Öyrət, Yaşa, Yaşat, kəşf et, Zövq al-dan ibarətdir. Yaşa istiqaməti çərçivəsində tələbələr “Ekoloji Aksiya” həyata keçirir.
Son Xəbərlər
- 1
- 2
- 3
- 4
- 5
- 6
