Velosiped həvəskarlarının nəzərinə

velosiped-heveskarlarinin-nezerine
Oxunma sayı: 1802

Azərbaycan Velosiped İdmanı Federasiyası və "Sportsman" jurnalının birgə təşkilatçılığı ilə mayın 28-i, saat 18:00-da 28 May - Respublika Günü və Formula-1 yarışlarına dəstək məqsədilə Dənizkənarı Bulvarda həvəskarların velosiped yarışı keçiriləcək.

Federasiyadan “Qafqazinfo”ya verilən məlumata görə, yarışın sonunda Azərbaycanın estrada ulduzlarının iştirakı ilə konsert proqramı da təşkil olunacaq.

Arzu edən həvəskar velosipedçilər bu yarışda iştirak edib hədiyyə qazana bilərlər. Kişilərin və qadınların yarışı ayrı keçiriləcək.

Start və finiş: Bakı İdman Sarayının arxası (velosiped kirayəsi məntəqəsinin yanı)

Marşrut: Bakı İdman Sarayı - Dövlət Bayrağı Meydanı və əksinə.

Qeyd edək ki, iştirakçılar velosipedlərini özləri ilə gətirməlidirlər.