SOCAR taktikanı dəyişdi - Yerli mal üçün tender
Dövlət Neft Şirkətinin «Kompleks qazma işləri» tresti ehtiyat hissələrinin satın alınmasına tender elan edib.
“Qafqazinfo” xəbər verir ki, tender R-700 rotorun unversal diyircəkli içliyi, “Manqus”tipli titrəyən ələk üçün yay, Polad oymağa (Ct 35 270 mm x 170 mm) və Əyləc qasnağı BU-3000BD-a olan tələbatını təmin etmək məqsədi ilə açıq satınalma məqsədi ilə elan olunub. Müsabiqədə iştirak üçün son tarix 18.11.2016-cı il müəyyən edilib.
Tenderin fərqli cəhəti isə onun yerli sahibkarlara ünvanlanmasıdır. Belə ki, tender elanı “Müsabiqədə yalnız satınalma predmetinin istehsalı üzrə ixtisaslaşmış yerli istehsal müəssisələri və sahibkarlar iştirak etmək hüququna malikdirlər” xəbərdarlığı ilə başlayır.
