O ölkənin səfiri Karlovun qətlinin şahididir - İfadə verə bilər
Qırğızıstanın Türkiyədəki səfiri İbrahim Junusov lazım gələrsə, rus səfirin qətli ilə bağlı ifadə verməyə hazır olduğunu bildirib.
“Qafqazinfo” Rusiya KİV-nə istinadən xəbər verir ki, bu barədə səfir qırğız televiziyasına açıqlamasında deyib.
Junusovun sözlərinə görə, silahlı hücum zamanı o da Ankarada sərginin açılışında olub. Diplomat bildirib ki, atəş açılan zaman hər kəs yerə uzanıb: “Sərginin açılışında terrorçu qrup halında olan insanlardan arxada dayanmışdı. Onun pencəyinin yaxasında xüsusi işarə vardı. Buna görə də terrorçunu mühafizəçi zənn etdik”.
