Qaxda su arxına yıxılan 64 yaşlı kişi boğularaq ölüb. "Qafqazinfo" APA-ya istinadən xəbər verir ki, hadisə aprelin 28-i axşam saatlarında rayon Qum kəndində qeydə alınıb.
Qum kənd sakini, 64 yaşlı İbrahim Məmmədovun meyiti yaşadığı evin yaxınlığından axan su arxında qonşuları tərəfindən aşkar olunub. Hadisə yerinə cəlb edilmiş hüquq-mühafizə orqan əməkdaşlarının apardıqları ilkin araşdırma zamanı məlum olub ki, İ. Məmmədov sərxoş vəziyyətdə su arxına yıxılıb və boğularaq ölüb.
Faktla bağlı Qax rayon prokurorluğunda araşdırma aparılır.