Özünü qatarın altına atanın meyiti çıxarıldı- - Metroda faciə+yenilənib
Bakı Metropolitenin Mətbuat Xidmətinin rəhbəri Nəsimi Paşayev məsələ ilə bağlı “Qafqazinfo”ya faktı təsdiqləyib. Bildirib ki, hazırda stansiyada qatarın hərəkəti dayandırılıb: "Amma hadisənin təfərrüartlarını bilmirəm. Hazırda hadisə yerinə gedirəm. Onun qəsdənmi özünü atdığı, yoxsa ehtiyatsızlıqdan düşdüyü barədə məlumatım yoxdur”.
***
Hadisə şahidləri "Qafqazinfo"ya bildirib ki, oğlan intihar məqsədi ilə özünü qatarın altına atıb.
***
ATV.az saytı bildirir ki, intihardan bir neçə dəqiqə əvvəl oğlan gənc qızla platformada mübahisə ediblər. Sonra isə özünü gələn qatarın altına atıb.
***
Nəsimi Paşayev "Qafqazinfo"ya bildirib ki, intihar edənin şəxsiyyəti hələ ki, müəyyənləşməyib: “Qatarın hərəkəti dayandırılıb. Şəxsin meyiti hazırda reysdən çıxarılır".
***
Qeyd edək ki, “28 May” stansiyasın həm girişi, həm də çıxışı bağlanıb.
***
Artıq həlak olan oğlanın meyiti çıxarılıb və metroda hərəkət bərpa edilib.
***
Bakının “28 May” metrostansiyasında özünü qatarın altına ataraq intihar edən şəxsin kimliyi müəyyən edilib.
Nəsimi rayon Polis İdarəsindən APA-ya verilən məlumata görə, həmin şəxs 1985-ci il təvəllüdlü Mirzəyev Rüstəm Fəxrəddinoviçdir. Onun Rusiya vətəndaşı olduğu bildirilir.
Hazırda fakt üzrə araşdırma aparılır.
Son Xəbərlər
- 1
- 2
- 3
- 4
- 5
- 6
