Notbuk oğrusuna 7 il həbs verildi
Bu gün Bakı Ağır Cinayətlər Məhkəməsində oğurluqda təqsirləndirilən 1982-ci il təvəllüdlü Rövşən Məmmədovun cinayət işi üzrə məhkəmə prosesi yekunlaşıb.
“Qafqazinfo”nun verdiyi xəbərə görə, hakim Rahib Salmanovun sədrliyi ilə keçirilən prosesdə hökm oxunub.
Məhkəmə kollegiyasının hökmü ilə R.Məmmədov 7 il müddətinə azadlıqdan məhrum edilib.
Qeyd edək ki, R.Məmmədov Cinayət Məcəlləsinin 177.3.2-ci (külli miqdarda oğurluq) maddəsi ilə təqsirləndirilir. O, mağazalardan notbuk oğurlayaraq satmaqda ittiham edilir.
