Dostları ilə yedi-içdi, çimmək istədi - Boğulub öldü
Göyçay sakininin etdiyi ehtiyatsızlıq ona həyatı bahasına başa gəlib.
“Qafqazinfo” xəbər verir ki, rayonun Polis İdarəsindən Ans press-ə verilən məlumata görə, hadisə Qızılağacaq kəndində qeydə alınıb. Kənd sakini 1963-cü il təvəllüdlü Eldəniz Cavad oğlu Məmmədov dostları ilə yeyib-içdikdən sonra kənd ərazisindən keçən Şirvan su kanalında çimmək istəyib. Lakin ehtiyatsızlıq edən kişi çimməyə hazırlaşarkən su kanalına yıxılıb və boğulub.
Görülən tədbirlər nəticəsində 53 yaşlı kişinin meyiti sudan çıxarılıb və keçirilən tibbi ekspertizadan sonra ailəsinə təhvil verilib.
Faktla bağlı Göyçay Rayon Polis Şöbəsində cinayət işi açılıb, araşdırma aparılır.
Son Xəbərlər
- 1
- 2
- 3
- 4
- 5
- 6
