Gəncə Dəmir Yolları deposunda bıçaqlanma hadisəsi baş verib.
“Qafqazinfo”nun SalamNews-a istinadən xəbərinə görə, hadisə Gəncə şəhər Dəmir Yolunun “Lokomotiv” deposunda olub. Mühafizəçi vəzifəsində çalışan 24 yaşlı Kərəm Məmmədov bıçaqlanıb. O, Abbas Səhhət adına 1 saylı Şəhər Xəstəxanasına gətirilib.
Xəstəxanadan verilən məlumata görə, K.Məmmədovun vəziyyəti əməliyyatdan sonra normaldır.
Faktla bağlı araşdırma aparılır.