Rəşad Sadıqov xərçəng olan futbolçu üçün pul topladı
Xəbər verdiyimiz kimi, ötən ilin yayında "Neftçala"dan AZAL-a keçən Rüfət Musayevdə xərçəng xəstəliyi aşkarlanıb.
“Qafqazinfo” xəbər verir ki, müdafiəçinin sağ əlinin dirsək nahiyəsində şiş yaranıb. İki aydı ağrılar hiss edən futbolçu Onkoloji Dispanserdə müayinədən keçib.
R.Musayev hazırda ev şəraitində müalicə olunur. Bir müddət belə davam edəcək. O, artıq iki kimyaterapiyaya məruz qalıb. Nə vaxt yaşıl meydanlara dönəcəyi hələ naməlumdur. Həkimlər tələsməməyi məsləhət görür.
Sportinfo.az-ın məlumatına görə, AZAL futbolçusuna maliyyə yardımı edib. Sevindirici haldır ki, yardımsevərlərin siyahısı "təyyarəçilər"lə məhdudlaşmır. "Neftçi", "Qəbələ", "Qaradağ Lökbatan" və "Neftçala" aksiyaya qoşulub. "Qarabağ" da dəstək kampaniyasından kənar qalmayıb.
Kapitan Rəşad Sadıqovun təşəbbüsü ilə Ağdam klubunun futbolçuları 3200 manat toplayaraq, Musayevin ailəsinə göndərib. Kapitan isə bundan əlavə iki dəfə Rüfətə kömək əlini uzadıb.
Son Xəbərlər
- 1
- 2
- 3
- 4
- 5
- 6
