““Qəbələ”nin qapıçısı əla oynadı” - Tavares
"Çox çalışdıq, rəqib yaxşı müdafiə olundu. "Qəbələ"nin qolkiperi xüsusilə əla oynadı. Çox təzyiq etdik, amma 2-ci qolu vura bilmədik".
"Qafqazinfo" xəbər verir ki, bu sözləri "Maribor"un kapitanı Markos Tavares söyləyib. Braziliyalı hücumçu "Qəbələ" ilə keçirdikləri (1:0) matçdan sonra oyunla bağlı fikirlərini bildirib:
""Qəbələ"ni cərimə meydançasından çıxmağa imkan vermirdik. İlk hissənin əvvəlin təşəbbüsə rəqib yiyəlnsə də, daha sonra ərazi üstünlüyü bizim tərəfə keçdi. 1 qol lazım idi ki, vura bilmədik. Möhtəşəm oynadıq, əfsuslar olsun ki, qrupa adlaya bilmədik. Azarkşelərimiz möhtəşəm atmosfer yaratmışdılar".
Tavares futbolçulara layiqli mübarizə apardıqları üçün təşəkkür etdiyini də bildirib:"Soyunub-geyinmə otağında futbolçulara əsl mübarizə apardıqları üçün təşəkkür etdim. Onlara başlarını dik tutmasını söylədim. Hamımız sona qədər vuruşduq. Növbəti mövsüm Çempionlar Liqasının qrup mərhələsinə hazırlaşacağıq. Bu qarşılaşmadakı oyunumuzu çempionatda sərgiləsək, Sloveniya çempionu biz olacağıq".
