""Qəbələ" ciddi rəqibdir. Rəqibimizə hörmətlə yanaşarıq. Bizim üçün asan olmayacaq".
"Qafqazinfo" xəbər verir ki, bu sözləri "Lill"in forvardı Yasin Benzia söyləyib. 21 yaşlı əlcəzairli futbolçu "Qəbələ"nin təhlükəli komanda olduğunu bildirib: "Rəqibimiz ötən mövsüm Avropa Liqasında iştirak edib. Artıq onlar 2 mərhələ keçiblər. Deyərdim ki, "Qəbələ" təhlükəli komandadır".
Benzia əsas heyətdə möhkəmlənmək istədiyini qeyd edib: "Yoxlama görüşlərində özümü yaxşı tərədəfdən göstərdim. Əsas heyətdə möhkəmlənmək istəyirəm. Komandamızda böyük rəqabət var. Rəqabətin olması mənim üçün müsbət haldır".