Millimizin üzvü olan avtobusa hücum - Yaralılar var+Fotolar

millimizin-uzvu-olan-avtobusa-hucum
Oxunma sayı: 1967

Millimizin üzvü Dəniz Yılmazın çıxış etdiyi “Bursaspor” klubunun uğursuz çıxışı azarkeşlərin səbr kasasını doldurub. “Qafqazinfo” xəbər verir ki, Superliqanın XXII turunda səfərdə "Kasımpaşa"ya məğlubiyyət (4-0) azarkeşlərin böyük etirazına səbəb olub. 

Belə ki, azarkeşlər oyundan sonra Bursaya qayıdan komandanın avtobusuna hücum ediblər. Hadisə Osmanqazi körpüsünün yaxınlığında baş verib. Avtobusun dayandığını görən bir azarkeş əlndə olan bıçaq və dəyənəklərlə hücuma keçiblər. Onlar avtobusun içərisinə daxil olmağa və futboluların üzərinə hücum etməyə imkan tapıblar.

Yayılan məlumatlara görə, hücum nəticəsində bir neçə futbolçu ciddi xəsarətlər alıb. Ən çox ciddi zərbə alan isə qapıçı Harun Təkin olub. Onun sifətində xəsarətin izləri qalıb.

Baş verən hadisələri klub rəsmisi Ali Ademoğlu da təsdiqləyib: “Təəssüf ki, yazılanlar doğrudur. Azarkeşlər qapıçımız Harun Təkinə ciddi xəsarətlər yetiriblər. Təkin xəstəxanaya yerlşdirilib və ilkin tibbi yardımı alıb. Azarkeşlərimizin bu hərəkətinə klub və rəhbərlik olaraq çox üzüldük”.

Qeyd edək ki, millimizin üzvü cəzalı Dəniz Yılmaz olduğu üçün matçda iştirak etməsə də, komandaya dəstək olmaq üçün səfərə aparılmışdı.