Fatih Terim Azərbaycan millisinin futbolçusundan əl çəkmir
Türkiyə millisinin baş məşqçisi Fatih Terim Azərbaycan millisində oynamağa razılıq verən Ozancan Kökcüdən imtina etmək fikrində deyil. “Qafqazinfo” xəbər verir ki, təcrübəli çalışdırıcı Kökçünü Türkiyə millisində görmək arzusundadır.
Qardaş ölkə mətbuatının yaydığı xəbərə görə, Türkiyə Futbol Federasiyasının rəsmiləri bu məqsədlə bir neçə gün öncə gənc futbolçunun ailəsi ilə növbəti dəfə əlaqə saxlayıblar. Ancaq Hollanidyanın "Feyenoord" klubunun 19 yaşlılardan ibarət komandasında forma geyinən futbolçunun ailəsi TFF rəsmiləri ilə danışıqlar aparmaqdan imtina ediblər. Onlar bildiriblər ki, Ozancaq Azərbaycan millisində oynamağa razılıq verib və qərarından dönmək niyyətində deyil.
Qeyd edək ki, 2016-cı ilin sonlarında AFFA Ozancan Kökcüyə müraciət edərək onu millimizə dəvət etmişdi. Türk əsilli futbolçu bu təklifi qəbul edərək yanvar ayında U-21 millimizin Antalyada keçirilən təlim-məşq toplanışına qatılmışdı.
Son Xəbərlər
- 1
- 2
- 3
- 4
- 5
- 6
