Azərbaycan UEFA reytinqində 1 pillə irəlilədi
Avropa Liqasında “Qarabağ”ın Yunanıstan PAOK-u üzərində qazandığı qələbə (2:0) ölkəmizin reytinqini zənginləşdirib.
“Qafqazinfo” xəbər verir ki, əldə edilən qalibiyyət hesabımızın 0.500 xal zənginləşməsinə səbəb olub.
Bununla da əmsallarının cəmini 17.250-yə çatdıran Azərbaycan 1 pillə irəliləyərək Kipri arxada qoyub. Hazırda 25-ci yerdə olan ölkəmiz adalıları 0.200 xal qabaqlayır. Bizdən 1 addım öndə olan İsrailin isə aktivindəki xalların cəmi 17.875-ə bərabərdi.
Səfərdə “Sent Etyen”ə məğlub olan (0:1) “Qəbələ” isə hesabımıza xal yazdıra bilməyib.
Qeyd edək ki, cari mövsümdə klublarmızın yığdığı 3.750 xaldan 1.625-i “Qarabağ”ın, 1.375-i “Qəbələ”nin payına düşürsə, “Neftçi” və “Kəpəz” hərəyə 0.375 xalla öz töhfəsini verib.
Son Xəbərlər
- 1
- 2
- 3
- 4
- 5
- 6
