Türkiyənin Suriyada başlatdığı hərbi əməliyyatlara İrandan ilk reaksiya gəlib.
“Qafqazinfo” xarici KİV-ə istinadən xəbər verir ki, İranın XİN sözçüsü Behram Kasımi yazılı açıqlamasında bildirib ki, hərbi əməliyyat Dəməşq hökuməti ilə koordinasiyalı şəkildə aparılmalıdır:
“Suriya torpaqlarında terror qruplaşmaları ilə mübarizə, beynəlxalq hüququn təməl prinsinplərindən biri olan o ölkənin ərazi bütövlüyü və suveren haqqlarına hörmət edilərək mərkəzi hökumətlə koordinasiyalı şəkildə aparılmalıdır.
İran terrorla mübarizənin beynəlxalq məsuliyyət olmasına və bu mənfur hala qarşı bölgə ölkələrinin ortaq işbirliyi yürütməsinə inanırıq”.