Türkiyənin Suriya ilə sərhəddə yerləşən Kilis şəhərinə 7 raket atılıb.
“Qafqazinfo”nun Türkiyə mətbuatına istinadən məlumatına görə, Suriya tərəfdən atılan raketlərdən birinin binaya düşməsi nəticəsində 6 yaşlı uşaq ölüb, 10 nəfər yaralanıb.
Kilisdə çaxnaşma yaranıb, ticarətçilər mağazaları bağlayıb.
Türkiyə təhlükəsizlik qüvvələri bəyan edib ki, raketlərin atıldığı yerə cavab zərbəsi endirilib.
Qeyd edək ki, 2016-cı ilin yanvarından bu günə qədər Kilisə atılan raketlərin nəticəsində artıq 21 nəfər həlak olub.