Türkiyənin Şanlıurfa şəhərinin Viranşəhər rayonunda hakim və prokuror korpuslarının yaxınlığında minalanmış avtomobil partladılıb.
“Qafqazinfo”nun “Milliyet”ə istinadən verdiyi məlumata görə, hadisə nəticəsində 3 yaşlı uşaq ölüb, 15 nəfər xəsarət alıb.
Şanlıurfanın valisi Güngör Azim Tuna 18-20 yaşlı şəxsin Yenişehir məhəlləsində bomba yüklü avtomobil saxladığını bildirib.
Hadisə ilə bağlı prezident Rəcəb Tayyib Ərdoğan məlumatlandırılıb.
Partlayışın baş verdiyi əraziyə polislər və təcili tibbi yardım avtomobilləri cəlb olunub.