“Taliban” terror qruplaşması Əfqanıstanın Kabil şəhərində əsir götürdüyü Amerika Universitetinin müəllimlərinin görüntüsünü yayıb.
“Qafqazinfo” “Gazeta.ru”ya istinadən xəbər verir ki, 13 dəqiqəlik videoda girovlar ABŞ-ın yeni seçilmiş prezidentinə müraciət ediblər. Kevin Kinq və Timati Uiks prezident Donald Trampdan kömək istəyiblər. Görüntünün yanvarın 1-də qeydə alındığı güman edilir.
Terrorçular müəllimləri Baqram həbsxanasında saxlanılan “Taliban” üzvlərinin qarşılığında azad etməyi təklif ediblər.
Qeyd edək ki, müəllimlər 2016-cı ilin avqustun 7-də girov götürülüb.