Suriyada İran generalı öldürüldü
İran İslam İnqilabının Keşikçiləri Korpusunun komandirlərindən biri - Hüseyn Həmədani Suriyadakı Hələb şəhərinin yaxınlığında həlak olub.
“Qafqazinfo” BBC-yə istinadən xəbər verir ki, generalın ölümü barədə xəbəri təsdiqləyən İran İslam İnqilabı Keşikçiləri Korpusu Hüseyn Həmədaninin İslam Dövləti qruplaşmasına qarşı döyüşən Suriya ordusuna məsləhət xidməti göstərdiyini bildirib.
Prezident Bəşər əl-Əsədin əsas regional partnyoru olan İran Suriya hökumətinə hərbi dəstək göstərir.
Hüseyn Həmədani 2011-ci ildən bəri davam edən Suriya münaqişəsində həlak olmuş ən yüksək rütbəli İran hərbçilərindən biridir.
General 1980-1988-ci illərdə İran-İraq müharibəsində iştirak edib.
İran İslam İnqilabı Keşikçiləri Korpusu İran hərbçilərinin bilavasitə döyüşlərdə iştirak etmədiyini bildirir.
Suriya prezidenti Bəşər əl-Əsəd daha əvvəl deyib ki, Suriya, İran və İraqı “terrorçuluğu dəf etmək” məqsədi birləşdirir.
Son Xəbərlər
- 1
- 2
- 3
- 4
- 5
- 6
