Şimali Koreyanın raket sınağı uğursuz olub
Şimali Koreyanın raket atmaq cəhdi uğursuz alınıb.
“Qafqazinfo” “BBC”yə istinadən xəbər verir ki, bu barədə Cənubi Koreyanın müdafiə nazirliyinin rəsmiləri deyib.
Lakin neçə raketin atıldığı, yaxud necə bir silahın sınaqdan keçirildiyi məlum deyil.
ABŞ hərbi mənbələri havaya buraxıldıqdan bir neçə saniyə sonra partlayan raket aşkarlandığını bildirib..
Xatırladaq ki, Şimali Koreyaya Birləşmiş Millətlər Təşkilatı (BMT) tərəfindən hər hansı raket və ya nüvə sınaqlarının keçirilməsi qadağan olunub.
Amma ölkə belə sınaqları daha tez-tez keçirib. Mütəxəssislər hesab edir ki, bu ölkənin raket texnologiyasının inkişafına gətirib çıxara bilər.
Bu ayın əvvəlində Şimali Koreya təxminən 1,000 km uzağa uçan və Yaponiya sularında eniş edən dörd raket zərbəsi endirib.
Bu sınaq Wonsan-ın şərq sahil şəhərində aparılıb və illik ABŞ-Cənubi Koreya hərbi məşqlərinə cavab kimi dəyərləndirilir. Şimali Koreya bu hərbi məşqləri özünə qarşı hücum üçün hazırlıq kimi görür.
Artıq ABŞ Dövlət Katibi Rex Tillerson Şimali Koreyanın son hərəkətləri, o cümlədən, iki ən son nüvə sınaqları ilə bağlı danışıqlar aparmaq üçün Yaponiya, Cənubi Koreya və Çini ziyarət edib.
Cənab Tillerson deyib ki, əgər Şimali Koreya Cənubi Koreyanı və ya ABŞ-ı hədələsə, hərbi variant nəzərdən keçiriləcək.
Son Xəbərlər
- 1
- 2
- 3
- 4
- 5
- 6
