Rusiyanın Pskov vilayətində hərbi helikopter qəzaya uğrayıb. Rusiyanın Müdafiə Nazirliyinin məlumatına görə naməlum səbəbdən hərbi hissələrin birinə məxsus Mİ-8 helikopteri qəza enişi edərkən yerə düşüb.
“Qafqazinfo” Azərtac-a istinadla xəbər verir ki, insident Ostrovsk rayonunda qeydə alınıb. Hadisə yerində 4 nəfərin meyiti aşkar edilib. Qəzanın səbəbləri və təfərrüatları barədə hələlik məlumat verilmir.
Baş verən hadisənin səbəblərinin araşdırılması üçün vertolyotun qəzaya uğradığı əraziyə müvafiq qurumların mütəxəssisləri cəlb olunub.