“Reina” terrorçusunun arvadı saxlanılıb - Maşaripov isə oğluyla birgə...
İstanbulun “Reina” gecə klubunda 39 nəfəri öldürən özbək əsilli terrorçu Əbdülqədir Maşaripovun həyat yoldaşı ələ keçirilib.
“Qafqazinfo” Türkiyə KİV-nə istinadən xəbər verir ki, Maltəpədə bir evə edilən basqın zamanı polislər terrorçunun 1,5 yaşındakı qızını isə qoruma altına alıblar.
Maşaripovun hücumdan sonra 4 yaşlı oğlunu da götürərək qaçdığı məlum olub. Polis isə qadının ifadəsi əsasında İŞİD-in İstanbulda qaldığı yerlərin və Maşaripova yardım edən şəxslərin axtarışına başlayıb.
