Qırğızıstanın sosial-demokratlar partiyasının fraksiyasının koalisiyadan çıxması ilə hökumət istefaya getməyə hazırlaşır.
“Qafqazinfo” xarici KİV-ə istinadən xəbər verir ki, partiya sədri İsa Omurkulov koalisiyadan çıxmalarını ora daxil olan digər fraksiyalarla siyasi baxışlarının üst-üstə düşməməsi ilə əlaqələndirib.
Qırğızıstan konstitusiyasına görə, koalisiyanı hər hansı fraksiyanın tərk etməsi onun süqutuna, eyni zamanda hökumətin istefasına gətirib çıxarır.
Qeyd edək ki, hazırki hökumət bu ilin aprelində formalaşmışdı.