İsveçdə miqrantlar kütləvi iğtişaşlar törədib
İsveçin Stokholm şəhərində miqrantlar kütləvi iğtişaşlar törədiblər.
“Qafqazinfo” xəbər verir ki, bu barədə “SVT” kanalı məlumat yayıb.
Məlumata görə, iğtişaşlar fevralın 20-də başlayıb. Belə ki, polis metroda axtarışda olan bir neçə şübhəlini saxlayıb. Bu zaman tərəflər arasında qarşıdurma baş verib. Daha 2 saat sonra isə şəhərin başqa rayonunda iğtişaşlar başlayıb. Etirazçılar bir neçə maşını yandırıblar.
Yerli polis iğtişaşlarda neçə nəfərin iştirak etdiyi dəqiq deməkdə çətinlik çəkib. Artıq günahkarların müəyyənləşdirilməsinə və saxlanılmasına başlayıb.
