İraq ordusunun Mosulu azad etmək üçün keçirdiyi əməliyyatlarda İŞİD qruplaşmanın 800-900 silahlısı öldürülüb.
“Qafqazinfo” xəbər verir ki, bu barədə ABŞ Mərkəzi Komandanlığının rəhbəri general Jozef Votel “Frans Press”ə açıqlamasında bildirib.
“Mosulla bağlı əməliyyatlarda təkcə keçən həftə bizim təxminlərimizə görə 800-900 İŞİD döyüşçüsü məhv edilib. Dəqiq rəqəm söyləmək çətindir, çünki döyüşçülər şəhər sakinləri ilə qarışıblar”,- deyə general qeyd edib.
İraq hökumətindən verilən məlumata görə, döyüşlər zamanı təxminən 57 İraq əsgəri qətlə yetirilib və 250 nəfər isə yaralanıb.
Qeyd edək ki, Mosul əməliyyatı oktyabrın 17-dən başlayıb.